Mai Zing Tin Par's Testimony

ka dam lo nak le Bawipa Jesuh thawng indam nak ka hmuh nak kong le Bawipa nih laar nak a kaka pek nak kong hi Bawipa nih vulei pumpi ah na thanh dih lai keimah aiawh ah kan fial mi na si tiah a ka ti caah hi ca hi ka van thlah ve.
 Kum 2012 july thla ThanTlang AH THAH KAH 1 ah taang sarih ka cawn lio ah sehtan thlarau Hnam nih fak tuk in a ka tuah i kumkhat chung sianginn ka kai kho lo.Kan ramchung bawipa mi hman ti mi poh hi cu thla an ka cam piak dih ngawk ko. 
Sihmanhsehlaw ka dam kho lo sii zung zong ah dam nak ka hmu kho lo.Kum 2013 ah cathiam lo cu ka duh lo caah ka kaai than.Hnam nih cun sianginn ah mahhngal lo lungfim lo in an ka tuah peng i inn ah an ka lawi pi peng.September thla ah khan Than Tlang khua um Sabbath i an hruai tu Pu NgunPeng le an nu Pi Za Tlem sin ah an ka kal pi i thla an ka cam piak.
Ni khat chung pehthluahmah in vei sarih thla an ka cam piak i ka chung thlarau thur kha a chuak i Bawipa min in dam nak ka hmu.September ni 5 zan ka mang ah Bawipa Jesuh kha ka sin an a ra i minu a tu ah hin ka dam cang tiah na ruat maw a ka ti i ka dam cang tiah ka ruat ko tiah ka leh.A si le a ho nih dah an dam ter tiah a ka hal than i saya Peng nih a ka dam ter tiah ka leh. Bawipa nih cun a si tung lo an dam ter tu cu keimah pei ka si cu hi thla an cam piak tu hna nih hin vulei thilmansung an in pek lai i cu cu keimah i kan pek mi a si lai hi na dam nak hi hmunkip ah na thanh lai i ka sunparnak a lang lai tiah a ka ti.
Cun an nu pa in na dam kan i lawm an ti i manfak deuh hni le angki le thuhbawih an ka cawk i Bawipa min in an ka pek.Cu thil an ka pek mi ka van i hruk aih cun ka chung ah PaThian thiangthlarau a lut i holh in chim khawh lo thil khuaruahhar tampi a ka chimh i a ka hmuh sak.
Kan hmuhsak mi le kan chimh mi hi na hmanthlak he vulei cung dihlak na thanh lai tiah a ka ti.Vanram le Hellram a ka hmuh sak mi ka van thlah. Vanram or Kumthongram Thiangthlarau ka chung a luh bak in ka sining a dang cawlh.Sianginn kai mi ka hawi le an rak ka leng i taksa bia ruah kan i tim i ka ruah kho hna loh ka pum a thir dih an lawi cun ka tha ko fawn.
Zuu ding mi le kuak zu mi kyunya khaini tawng mi ka pawng an rat ah cun ka luak ka luak cawlh i an kal zok lo ah cun ka kutke a ka tom i ka tha a dih i ka ril tawn.An kal ter hna hnu ah thla an ka cam piak tawn i ka tha than tawn.
September ni hra zingkaa nichuak ka te ah Bawipa nih Nikaa khi hei zoh a ka ti i thlalangawng in ka hei zoh i Nikaa pawng ah cun van mi puanraang aih thlangei tampi nih keimah lei hoih in an kut an bengh kha ka hmuhAn i lawm tuk keimah zong lawmh nak in ka khat ve.2pm hrawng ah khin ka tha tur an tongh ka lung tur an tongh zeihmanh a tur ti loh ka kut ke a kik dih i suimi laam pakhat chung ka thi.
An thin a phang tuk i thla heh tiah an cam van mi pa 2 an rak tum i ka liang ve ve in an ka tlaih i van ah an ka kai pi i van kutka kan phak bak in ka thuam ai thleng i angki phur a raang mi ka hruk cang.Vankutkaa ka luh i tlawmpal kan kal khin Bawi Jesuh cu thutdan sang mi cung ah khin a rak thu a van ka hmuh in a tho i a kut a samh i ka fa dawt na ra cang maw a ka ti ka zoh i ka lautuk ka khuaruah a har cu lio ah cun Bawipa nih zeihmanh lung awtawm nak ngei hlah a nung mi na Pathian tak tak cu ka si a ka ti.Thutdan lei ah cun a ka kal pi i a orhlei kam ah khin a ka thut ter.Cun vate a raang mi te a dawh tuk mi khi ka pawng ah cun a um i hi hi nangmah ta a si khoika na kal nak hmun poh ah an veng tu le an um pi tu a si lai a ka ti.
Vulei minung hi kan dawt dih ko hna a sinain nang cukan thim mi na si vulei khi hei zoh hmanh a ka ti vu lei cu ka van zoh i fih a nung tuk thinlung thiang lo mi hna le zuu kuak kyunya khaini tikur sahdah tawngh hi fih a nung tuk.Bawipa ka um nak vulei hi khi tluk khin maw a thur ko ka ti i ka ngaih a chia Bawipa nih hi ka hi cu ngaih chiat nak hmun a si lo lawmh nak nawmh nak hmun pei a si cu a ka ti.
Khika khi hei zoh a ka ti i pangpar dum ramhring nuam tuk mi ah khin saram phuntling ka hmuh bal lo mi hna lawng te an tlong hna an i dawh ning le duh an nun ning hi kaa in ka chim thiam loh.
Va kal law vai nuam ve a ka ti i ka vai nuam ve.Bawipa nih cun ka fa nu ra cang law vulei ah na va tum cang lai a ka ti.Vulei ah ka biathiang le ka hla thiang na va au pi lai a ka ti.
Cun van mi pa2 nihkutkaa tiang an van ka thlah cun vulei ka taksa pum chung ah khan ka lut than.Ka mit ka au lai ka ti i caan sau nawn ka au kho loBawipa nih van na hmuh nak mit cu vulei ah au khawh a si lo a ka ti.Na mit kan thlen cang au cang a ka ti i ka van au i vu lei a rak si.
Na thi i pei kan lung re a theih tuk cu an ti HELL ka hmuh nak Bawipa nih na dam nak le kan hmuhsak mi hi tlangthluan kip ah na chim hmasa lai a ka ti i tlangthluan pa 6 ka tlawng cang Zahnak tlang ka tlawn lio october ni 13 zan ah khan Sihhmuh khua kan i pumh lio ah ka pum hi a lin tuk i zawt ka tim rua ka ti pumh dih biakinn tual ah ka tlu i keimah le mah lo kai thei ti loh an ka puak i inn ah an ka chiah.
Inn kan phak cun Hell cu a ka hmuh ter i tih a nun ning hi ka kaa in ka chim thiam loh meialh cu tilet thawh bantuk khin aa let thluahmah ko mei alh chung cun mi an tah ning le an rak ning hi ka tih tuk i Bawipa za cang seh ka zoh ngam ti lo ka ti khua ka zoh i a ho hmanh ka pawng ah ka hmu hna loh aw nih tha tein zoh ko hell hmuh hi a fawi mi a si lo a ka ti.
Cun zuu ding mi pawl cu an kaa le an hnar in rul bantuk lit bantuk khi an lut an chuak lengmang meialh ah cun an thi kho fawn tung loh kuak zu mi pawl cu an haa khin rungrul tholung raang lian pi pi khi an chuak meialh kangh pin ah cu rul le tholung i fak nak pek mi kha tuar an i harh tuk.Ka fih tuk i ka luak ka luak peng.
Hell ka hmuh lio cu ka taksa hi a nak dih hell tla mi an tuar bantuk in a ka tom a ka som dih.
14 zan ah le 15 zan ah khan a ka hmuh sak than Hell ka hmuh khawh poh cun tikik hrai 10 poh hi cu. ka din ka chung a linh tuk ah.A dongh nak ah bawipa nih thanh a ka fial mi cu PT zumh lo le thiangthlarau co hlan lo tih a nun ning le ka piangthar ko ti tung i zuu kuak tikor kyunya khaini sahdah tawngh tih a nun ning le Bawipa nih a duh lo ning vulei pumpi theihter hi a si.
 Hlan ka min Vel Hlei Sung Van an ka thlen mi ka min Zing Tin Par Ka khua Sih Hmuh ka pa min Hrang Bik