ဗျာဒိတ်ကျမ်း အခန်းကြီး ၂၂ ၂၀-၂၁ ငါသည် အလျင်အမြန်လာမည် မှန်ပေ၏ ဟု၊ ဤအရာများကို သက်သေခံသောသူ မိန့်တော်မူ၏။ အာမင်။ သခင်ယေရှုကြွလာတော်မူပါ၊ ငါတို့သခင် ယေရှုခရစ်၏ကျေးဇူးတော်သည် သန့်ရှင်းသူ အပေါင်းတို့၌ ရှိစေသတည်း။ ၁ တဖန်၊ ကျောက်သလင်းကဲ့သို့ ကြည်လင်၍၊ ဘုရားသခင်နှင့် သိုးသငယ်၏ပလ္လင်တော်ထဲက ထွက်သော၊ အသက်ရေစီးရာမြစ်ကို ကောင်းကင်တမန်သည် ငါ့အားပြလေ၏။ ၂ မြို့လမ်းမအလယ်၌၎င်း၊ ထိုမြစ်နှစ်ဘက်၌၎င်း၊ အသက်ပင်ရှိ၏။ ထိုအသက်ပင်သည် အသီးတဆယ်နှစ်မျိုးကို သီးတတ်၏။ မိမိအသီး ကိုလည်း လတိုင်းပေးတတ်၏။ အရွက်သည်လည်း လူအမျိုးမျိုးတို့၏ အနာရောဂါ ငြိမ်းစရာဘို့ဖြစ်၏။ ၃ နောက်တဖန်ကျိန်ခြင်းဘေး တစုံတခုမျှမရှိ၊ ထိုမြို့၌ ဘုရားသခင်နှင့် သိုးသငယ်၏ပလ္လင်တော် ရှိ၍၊ ဘုရားသခင်၏ကျွန်တို့သည် ဘုရားဝတ်ကို ပြုကြလိမ့်မည်။ ၄ မျက်နှာတော်ကိုမြင်ရ၍၊ သူတို့နဖူး၌လည်း နာမ တော်ရေးထားလျက်ရှိလိမ့်မည်။ ၅ ထိုမြို့၌ ညဥ့်မရှိရ၊ ဆီမီးကိုအလိုမရှိ။ နေ၏အရောင်ကိုလည်း အလိုမရှိ။ အကြောင်း မူကား၊ ထာဝရအရှင်ဘုရားသခင်သည် သူတို့၌ရောင်ခြည်တော်ကို လွှတ်တော်မူ၍ သူတို့သည် ကမ္ဘာအဆက်ဆက် စိုးစံရကြလတံ့။ ၆ ကောင်းကင်တမန်ကလည်း၊ ဤစကားသည် သစ္စာစကား၊ ဟုတ်မှန်သောစကားဖြစ်၏။ ပရောဖက် တို့၏ ဝိညာဉ်ကို အစိုးရသော ထာဝရအရှင်ဘုရားသခင်သည် ကာလမကြာမမြင့်မှီ ဖြစ်ရမည်အမှုအရာများ ကို မိမိကျွန်တို့အား ပြစေခြင်းငှါ၊ ကောင်းကင်တမန်တော်ကို စေလွှတ်တော်မူပြီ။ ၇ ငါသည် အလျင်အမြန်လာ မည်၊ ဤစာစောင်၏ အနာဂတ္တိစကားကို စောင့်ရှောက်သောသူသည် မင်္ဂလာရှိ၏ဟုပြောဆို၏။ ၈ ငါယောဟန်သည် ဤအရာများကို ကြားမြင်၏။ ကြားမြင်ပြီးလျှင်၊ ထိုအရာများကိုပြသော ကောင်းကင် တမန်၏ ခြေရင်း၌ ကိုးကွယ်အံ့သောငှါ ပြပ်ဝပ်၏။ ၉ သူကလည်း၊ မပြုပါနှင့်။ ငါကား၊ သင်၏လုပ်ဘော် ဆောင်ဘက်ဖြစ်၏။ သင်၏အစ်ကိုပရောဖက်တို့နှင့် ဤစာစောင် ၏စကားကို စောင့်ရှောက်သောသူတို့၏ လုပ်ဘော်ဆောင်ဘက်လည်းဖြစ်၏။ ဘုရားသခင်ကို ကိုးကွယ်လော့ဟု ပြောဆို၏။ ၁၀ တဖန်တုံ၊ ငါ့အား မိန့်တော်မူသည်ကား၊ ဤစာစောင်၏ အနာဂတ္တိစကားကို တံဆိပ်မခတ်နှင့်။ အကြောင်းမူကား၊ ကာလအချိန်ရောက်လုနီးပြီ။ ၁၁ မတရားသောသူသည် မတရားသဖြင့်ပြုစေဦး။ ညစ်ညူး သောသူသည် ညစ်ညူးစေဦး။ ဖြောင့်မတ်သောသူသည် ဖြောင့်မတ်စေဦး။ သန့်ရှင်းသောသူသည် သန့်ရှင်းစေဦး။ ၁၂ ငါသည် အလျင်အမြန်လာမည်။ ငါသည် အကျိုးအပြစ်ကိုဆောင်ခဲ့သည်ဖြစ်၍၊ လူအသီးသီး တို့အား မိမိတို့အကျင့်အတိုင်း ဆပ်ပေးမည်။ ၁၃ ငါသည် အာလဖဖြစ်၏။ သြမေဃလည်းဖြစ်၏။ အဦးဆုံးသော သူ၊ နောက်ဆုံးသောသူဖြစ်၏။ အစနှင့်အဆုံးလည်းဖြစ်၏။ ၁၄ အသက်ပင်နှင့်ဆိုင်၍၊ မြို့တံခါးအတွင်းသို့ ဝင်အံ့သောငှါ ပညတ်တော်တို့ကို ကျင့်သောသူတို့သည် မင်္ဂလာရှိကြ၏။ ၁၅ ပြင်၌ကား၊ ခွေးဖြစ်သောသူ၊ ပြုစားတတ်သောသူ၊ မတရားသောမေထုန်၌ မှီဝဲသောသူ၊ လူအသက်ကိုသတ်သောသူ၊ ရုပ်တုကိုကိုးကွယ် သောသူ၊ သစ္စာပျက်ခြင်းကို နှစ်သက်၍ပြုသောသူ အပေါင်းတို့သည် ရှိကြ၏။ ၁၆ ငါယေရှုသည်၊ အသင်း တော်တို့အဘို့ ဤအရာများကို သင်တို့အား သက်သေခံစေ ခြင်းငှါ၊ ငါ၏ကောင်းကင်တမန်ကို စေလွှတ်၏။ ငါသည်ကား၊ ဒါဝိဒ်၏အမြစ်ဖြစ်၏။ အနွှယ်လည်းဖြစ်၏။ ထွန်းတောက် သောမိုဃ်းသောက်ကြယ်လည်းဖြစ်၏။ ၁၇ိဝိညာဉ်တော်နှင့် မင်္ဂလာဆောင်သတို့သမီးက၊ လာခဲ့ပါဟုဆိုကြ၏။ ကြားသောသူကလည်း လာခဲ့ပါဟု ဆိုပါစေ၊ ရေငတ်သောသူသည် လာပါစေ။ အလိုရှိသောသူသည် အဘိုးကိုမပေး ဘဲ အသက်ရေကိုယူပါစေ။ ၁၈ ဤစာစောင်၏ အနာဂတ္တိစကားကို ကြားသောသူအပေါင်းတို့အား ငါသက်သေခံသည်ကား၊ အကြင်သူ သည် ဤအရာတို့၌ ထပ်၍အသစ်သွင်း၏၊ ဤစာစောင်၌ ရေးထားသောဘေးဒဏ်တို့ကို ထိုသူအပေါ်သို့ ဘုရားသခင်သက်ရောက်စေတော်မူမည်။ ၁၉ အကြင်သူသည် ဤစာစောင်၏ အနာဂတ္တိစကား အချို့ကို နှုတ်ပယ်၏။ ဤစာစောင်၌ရေးထားသော အသက်ပင်နှင့်၎င်း၊ သန့်ရှင်းသောမြို့တော်နှင့်၎င်း၊ ထိုသူစပ်ဆိုင်သောအခွင့်ကို ဘုရားသခင် နှုတ်ပယ်တော်မူမည်။ !

November 1, 2013

(လျှာကိုထိန်းချုပ်ခြင်း)

လျှာသည်ငယ်သောအင်္ဂါ ဖြစ်သော်လည်း ဝါကြွားတတ်၏။ လျှာသည်မီးဖြစ်၏။ဒုစရိုက်၏လောကဓါတ် လဲဖြစ်၏။တစ်ကိုယ်လုံးကို ညစ်ညူးစေ၏။ မီးရှို့တတ်၏။ ယာ ၃း၅-၆ ကျွန်တော်တို့ ပြောဆိုသောအရာများကို ထိန်းချုပ်ဖို့တမာန်တော်ကြီး ရှင်ယာကုပ်က ယာကုပ်၃း၁-၁၂ မှာသွန်သင်ထားပါတယ်။ ကျွန်တော်တို့အားလုံးဟာ အမှားများစွာကို ပြုတတ်ကြပါတယ်။ စကားအားဖြင့် အမှားမရှိအောင် နေနိုင်တဲ့သူဟာ စုံလင်တဲ့သူ ဖြစ်တယ်လို့ ဆိုထားပြန်ပါတယ်။ လျှာဟာခန္ဓာတစ်ခုလုံးကို ထိန်းချုပ်နိုင်သူလို့ ဖော်ပြထားပါတယ်။ မြင်းကိုနိုင်ရန် မြင်းပါးစပ်ထဲမှာ ဇက်ကြိုးကို ထည့်ထားရသလို၊ အလွန်ကြီးမားတဲ့ သင်္ဘောတစ်စီးမှာလဲ တက်မ ကလေးက ထိန်းချုပ်ကာ သွားလိုရာကို ဦးတည် ပေးနိုင်ပါတယ်။ လျှာဟာလဲ အလွန်သေးငယ်ပေမဲ့ လူတစ်ကိုယ်လုံးကို ကြိုက်သလိုလှည့်နိုင်တဲ့ အရည်အချင်းရှိပါတယ်။ လျှာဟာ မီးနဲ့တူပြီးတကိုယ်လုံးကို ငရဲမီးကဲ့သို့ လောင်ကျွမ်းစေနိုင်ပါတယ်။ တိရိစ္ဆာန်တွေကို ယဉ်ပါးအောင် လေ့ကျင့်နိုင်ပေမဲ့လျှာကို ယဉ်ပါးအောင် လုပ်ဖို့ခက်ခဲပါတယ်။ လျှာကိုဘယ်သူမှ မအောင်နိုင်တဲ့ အဆိုးအညစ်လို့ဆိုထားပါတယ်။ သာဓကလေးနဲ့ အနည်းငယ်ဝေငှချင်ပါတယ်။ စင်ကာပူမှာအလုပ်လုပ်နေတဲ့ အမျိုးသမီးတစ်ဦးဟာ အလုပ် စိတ်ကျဉ်းကျပ်မှုကြောင့် ထွက်ပေါက် ရလိုတဲ့ သဘောနဲ့ မြန်မာပြည်ကမိခင် အရမ်းနေမကောင်းဖြစ်လို့ အိမ်ကို ခနပြန်ချင်တဲ့ အကြောင်း အိမ်ရှင်ကို လှည့်ပတ်လိမ်စားပြီး စိတ်ပြေလက်ပျောက် မြန်မာပြည် ပြန်လည်ဖို့ မုသားသုံးခဲ့ပါတယ်။ ကျမ်းမာပကတိ ဖြစ်နေတဲ့ မိခင်ကိုအရမ်း နေမကောင်းဘူးဆိုတဲ့ လျှာအရိုး မရှိတိုင်းသူဌေးကို ပြောပြီးလိမ်လည်မှုနဲ့ အမြန်ပြန်လို့ရအောင် လုပ်ဆောင်ခဲ့ပါတယ်။ အိမ်ရှင်သူဌေးတွေက တကယ်ထင်ပြီး အမြန်ပြန်နိုင်ဖို့ စီစဉ်ပေးခဲ့ပါတယ်။ သူပြောခဲ့တဲ့ သူ့လျှာထဲက စကားအတိုင်း သူမြန်မာပြည် ပြန်ရောက်တဲ့နေ့မှာဘဲ ကျမ်းမာပကတိ ရှိနေတဲ့ မိခင်ဟာ ရုတ်တရက် လေဖြန်းသွားခဲ့ပါတယ်။ သူ့လိမ်လည်မှု အကြံကိုသိနေတဲ့ အစ်မဖြစ်သူက သူ့ကိုအရမ်းဆူခဲ့ပါတယ်။ ဒါဟာ လျှာရဲ့လှည့်စားမှု ရလဒ်လေးဖြစ်ပါတယ်။ မဟုတ်မမှန်သောအရာများကို ပြောဆိုခြင်းဖြင့် လျှာကိုအသုံးမချဖို့ သတိပေးလိုက်ပါတယ်။ သေစေတတ်သောအဆိပ် အတောက်နှင့်ပြည့်စုံ၏-လို့ရှင်ယာကုပ်က သွန်သင်ထားပါတယ်။ မိမိတို့လျှာကို ထိန်းချုပ်ကြပါစို့။ ။
Posted by at

No comments:

Post a Comment

Subscribe to: Post Comments (Atom)