ဗျာဒိတ်ကျမ်း အခန်းကြီး ၂၂ ၂၀-၂၁ ငါသည် အလျင်အမြန်လာမည် မှန်ပေ၏ ဟု၊ ဤအရာများကို သက်သေခံသောသူ မိန့်တော်မူ၏။ အာမင်။ သခင်ယေရှုကြွလာတော်မူပါ၊ ငါတို့သခင် ယေရှုခရစ်၏ကျေးဇူးတော်သည် သန့်ရှင်းသူ အပေါင်းတို့၌ ရှိစေသတည်း။ ၁ တဖန်၊ ကျောက်သလင်းကဲ့သို့ ကြည်လင်၍၊ ဘုရားသခင်နှင့် သိုးသငယ်၏ပလ္လင်တော်ထဲက ထွက်သော၊ အသက်ရေစီးရာမြစ်ကို ကောင်းကင်တမန်သည် ငါ့အားပြလေ၏။ ၂ မြို့လမ်းမအလယ်၌၎င်း၊ ထိုမြစ်နှစ်ဘက်၌၎င်း၊ အသက်ပင်ရှိ၏။ ထိုအသက်ပင်သည် အသီးတဆယ်နှစ်မျိုးကို သီးတတ်၏။ မိမိအသီး ကိုလည်း လတိုင်းပေးတတ်၏။ အရွက်သည်လည်း လူအမျိုးမျိုးတို့၏ အနာရောဂါ ငြိမ်းစရာဘို့ဖြစ်၏။ ၃ နောက်တဖန်ကျိန်ခြင်းဘေး တစုံတခုမျှမရှိ၊ ထိုမြို့၌ ဘုရားသခင်နှင့် သိုးသငယ်၏ပလ္လင်တော် ရှိ၍၊ ဘုရားသခင်၏ကျွန်တို့သည် ဘုရားဝတ်ကို ပြုကြလိမ့်မည်။ ၄ မျက်နှာတော်ကိုမြင်ရ၍၊ သူတို့နဖူး၌လည်း နာမ တော်ရေးထားလျက်ရှိလိမ့်မည်။ ၅ ထိုမြို့၌ ညဥ့်မရှိရ၊ ဆီမီးကိုအလိုမရှိ။ နေ၏အရောင်ကိုလည်း အလိုမရှိ။ အကြောင်း မူကား၊ ထာဝရအရှင်ဘုရားသခင်သည် သူတို့၌ရောင်ခြည်တော်ကို လွှတ်တော်မူ၍ သူတို့သည် ကမ္ဘာအဆက်ဆက် စိုးစံရကြလတံ့။ ၆ ကောင်းကင်တမန်ကလည်း၊ ဤစကားသည် သစ္စာစကား၊ ဟုတ်မှန်သောစကားဖြစ်၏။ ပရောဖက် တို့၏ ဝိညာဉ်ကို အစိုးရသော ထာဝရအရှင်ဘုရားသခင်သည် ကာလမကြာမမြင့်မှီ ဖြစ်ရမည်အမှုအရာများ ကို မိမိကျွန်တို့အား ပြစေခြင်းငှါ၊ ကောင်းကင်တမန်တော်ကို စေလွှတ်တော်မူပြီ။ ၇ ငါသည် အလျင်အမြန်လာ မည်၊ ဤစာစောင်၏ အနာဂတ္တိစကားကို စောင့်ရှောက်သောသူသည် မင်္ဂလာရှိ၏ဟုပြောဆို၏။ ၈ ငါယောဟန်သည် ဤအရာများကို ကြားမြင်၏။ ကြားမြင်ပြီးလျှင်၊ ထိုအရာများကိုပြသော ကောင်းကင် တမန်၏ ခြေရင်း၌ ကိုးကွယ်အံ့သောငှါ ပြပ်ဝပ်၏။ ၉ သူကလည်း၊ မပြုပါနှင့်။ ငါကား၊ သင်၏လုပ်ဘော် ဆောင်ဘက်ဖြစ်၏။ သင်၏အစ်ကိုပရောဖက်တို့နှင့် ဤစာစောင် ၏စကားကို စောင့်ရှောက်သောသူတို့၏ လုပ်ဘော်ဆောင်ဘက်လည်းဖြစ်၏။ ဘုရားသခင်ကို ကိုးကွယ်လော့ဟု ပြောဆို၏။ ၁၀ တဖန်တုံ၊ ငါ့အား မိန့်တော်မူသည်ကား၊ ဤစာစောင်၏ အနာဂတ္တိစကားကို တံဆိပ်မခတ်နှင့်။ အကြောင်းမူကား၊ ကာလအချိန်ရောက်လုနီးပြီ။ ၁၁ မတရားသောသူသည် မတရားသဖြင့်ပြုစေဦး။ ညစ်ညူး သောသူသည် ညစ်ညူးစေဦး။ ဖြောင့်မတ်သောသူသည် ဖြောင့်မတ်စေဦး။ သန့်ရှင်းသောသူသည် သန့်ရှင်းစေဦး။ ၁၂ ငါသည် အလျင်အမြန်လာမည်။ ငါသည် အကျိုးအပြစ်ကိုဆောင်ခဲ့သည်ဖြစ်၍၊ လူအသီးသီး တို့အား မိမိတို့အကျင့်အတိုင်း ဆပ်ပေးမည်။ ၁၃ ငါသည် အာလဖဖြစ်၏။ သြမေဃလည်းဖြစ်၏။ အဦးဆုံးသော သူ၊ နောက်ဆုံးသောသူဖြစ်၏။ အစနှင့်အဆုံးလည်းဖြစ်၏။ ၁၄ အသက်ပင်နှင့်ဆိုင်၍၊ မြို့တံခါးအတွင်းသို့ ဝင်အံ့သောငှါ ပညတ်တော်တို့ကို ကျင့်သောသူတို့သည် မင်္ဂလာရှိကြ၏။ ၁၅ ပြင်၌ကား၊ ခွေးဖြစ်သောသူ၊ ပြုစားတတ်သောသူ၊ မတရားသောမေထုန်၌ မှီဝဲသောသူ၊ လူအသက်ကိုသတ်သောသူ၊ ရုပ်တုကိုကိုးကွယ် သောသူ၊ သစ္စာပျက်ခြင်းကို နှစ်သက်၍ပြုသောသူ အပေါင်းတို့သည် ရှိကြ၏။ ၁၆ ငါယေရှုသည်၊ အသင်း တော်တို့အဘို့ ဤအရာများကို သင်တို့အား သက်သေခံစေ ခြင်းငှါ၊ ငါ၏ကောင်းကင်တမန်ကို စေလွှတ်၏။ ငါသည်ကား၊ ဒါဝိဒ်၏အမြစ်ဖြစ်၏။ အနွှယ်လည်းဖြစ်၏။ ထွန်းတောက် သောမိုဃ်းသောက်ကြယ်လည်းဖြစ်၏။ ၁၇ိဝိညာဉ်တော်နှင့် မင်္ဂလာဆောင်သတို့သမီးက၊ လာခဲ့ပါဟုဆိုကြ၏။ ကြားသောသူကလည်း လာခဲ့ပါဟု ဆိုပါစေ၊ ရေငတ်သောသူသည် လာပါစေ။ အလိုရှိသောသူသည် အဘိုးကိုမပေး ဘဲ အသက်ရေကိုယူပါစေ။ ၁၈ ဤစာစောင်၏ အနာဂတ္တိစကားကို ကြားသောသူအပေါင်းတို့အား ငါသက်သေခံသည်ကား၊ အကြင်သူ သည် ဤအရာတို့၌ ထပ်၍အသစ်သွင်း၏၊ ဤစာစောင်၌ ရေးထားသောဘေးဒဏ်တို့ကို ထိုသူအပေါ်သို့ ဘုရားသခင်သက်ရောက်စေတော်မူမည်။ ၁၉ အကြင်သူသည် ဤစာစောင်၏ အနာဂတ္တိစကား အချို့ကို နှုတ်ပယ်၏။ ဤစာစောင်၌ရေးထားသော အသက်ပင်နှင့်၎င်း၊ သန့်ရှင်းသောမြို့တော်နှင့်၎င်း၊ ထိုသူစပ်ဆိုင်သောအခွင့်ကို ဘုရားသခင် နှုတ်ပယ်တော်မူမည်။ !

July 24, 2014


ကက်သလစ်သာသနာ နှစ် ၅၀၀ ပြည့်ပွဲ 
 မြန်မာနိုင်ငံသို့ ကက်သလစ် ခရစ်ယာန်သာသနာ ရောက်ရှိ
အခြေချခြင်း နှစ် ၅၀၀ ပြည့်အထိမ်းအမှတ်ပွဲတော်ကို
 လာမည့် နိုဝင်ဘာ ၂၁ ရက်မှ ၂၃ ရက်အထိ ရန်ကုန်မြို့
ဗိုလ်အောင်ကျော်လမ်းရှိ စိန့်မေရီကာသီဒြယ်
ဘုရားကျောင်းတွင် ကျင်းပမည်ဖြစ်သည်။ လွန်ခဲ့သည့်
၁၆ ရာစုခန့်က အိန္ဒိယသမုဒ္ဒရာအတွင်း စွန့်စားသွားလာကာ
 ကူးသန်း ရောင်းဝယ်နေသည့် ဥရောပတောင်ပိုင်းသား
 ပေါ်တူဂီ လူမျိုးများနှင့်အတူ ဗရင်ဂျီ ခေါ် ကက်သလစ် ခရစ်ယာန်သာသနာ မြန်မာနိုင်ငံသို့ ရောက်ရှိလာခဲ့ခြင်း
 ဖြစ်သည်။ ထို နှစ် ၅၀၀ ပြည့် အထိမ်းအမှတ်ပွဲတော်ကို
 မူလက ပုပ်ရဟန်းမင်းကြီး ဖရန်စစ် လာရောက် ချီးမြှင့်ရန်
ရှိသော်လည်း ယခု အခါ လာရောက်နိုင်ခြင်း မရှိတော့ဟု
 သိရသည်။ မြန်မာနိုင်ငံ ကက်သလစ် ဆရာတော်များအဖွဲ့ချုပ်
 အတွင်းရေးမှူး ဖာသာ မောရစ်က“ပုပ်ရဟန်းမင်းကြီး
မလာဖြစ်ဘူး၊ ဘာကြောင့် လဲဆိုတော့ ပုပ်ရဟန်းမင်းကြီးက
 ဗာတီကန်နိုင်ငံမှာ အကြီးအကဲလေ၊ ကျနော်တို့
 မြန်မာနိုင်ငံက အကြီးအကဲ သမ္မတက ဖိတ်မှ
လာနိုင်မှာဖြစ်သလို၊ ပုပ်ရဟန်းမင်းကြီး လုံခြုံရေးကိစ္စ
ကိုလည်း မြန်မာဘက်က တာဝန်ယူရမယ်ဆိုတော့
အခက်အခဲရှိမယ့်သဘော ကြောင့် ထင်ပါတယ်”ဟု ဆိုသည်။
 ထိုကြောင့် ပုပ်ရဟန်းမင်းကြီး ကိုယ်စား အာရှတိုက်
 ကက်သလစ် ဆရာတော်ကြီးများ အဖွဲ့ ဥက္ကဋ္ဌ
တက်ရောက်မည်ဖြစ်ကြောင်း သိရ သည်။ အနုပညာရှင် ကို
ဖရက်ဒီက“အားလုံးကတော့ ပုပ်ရဟန်းမင်းကြီး
လာမလားဆိုပြီး မျှော်လင့်ကြတာပေါ့၊ ဒီတခေါက်ရောက်
မလာနိုင် ပေမယ့်၊ နောင်ဆိုရင် ကျနော်တို့ မြန်မာနိုင်ငံကို
 ရောက်လာနိုင်မယ်လို့ ယုံကြည်နေမိတယ်”ဟု ပြောသည်။
ယခုကျင်းပမည့် နှစ် ၅၀၀ ပြည့် အထိမ်းအမှတ်ပွဲကို
 မြန်မာနိုင်ငံတ၀န်းရှိ ကက်သလစ် ခရစ်ယာန်ဘာသာဝင်
 ၅ သောင်း ခန့်က လာ ရောက်ရန် စာရင်းပေးသွင်းထားပြီး
ဝတ်ပြုပွဲများ၊ စီတန်းလှည့်လည်ခြင်းများ၊ တိုင်းရင်းသားရိုးရာ
အက ဖျော်ဖြေပွဲများ၊ ကက်သလစ် ဘာသာဝင်
အနုပညာရှင်များဖြစ်သည့် နွဲ့ယဉ်ဝင်း၊ ချစ်သုဝေ၊ ချမ်းချမ်း၊
 နေနေ၊ ဂျေးမီ၊ ဆိုင်းနော်၊ အနဂ္ဂ၊ သံသာဝင်း၊ ဖရက်ဒီ တို့အပြင်
 ဖြူဖြူကျော်သိန်း၊ နီနီခင်ဇော် စသည့် အဆိုတော်များလည်း
သီဆိုဖျော်ဖြေမည်ဖြစ်ကြောင်း၊ ဖျော်ဖြေပွဲကို ရုပ်သံမှ
တိုက်ရိုက် ထုတ်လွှင့် ပြသနိုင်ရင် စီစဉ်နေကြောင်း သိရသည်။
ကက်သလစ် သာသနာသည် ၁၄၉၈ ခုနှစ် ဗာစ်ကိုဒဂါးမား
 အိန္ဒိယတိုက်ငယ်ကို ရှာဖွေတွေ့ရှိချိန်မှစကာ အာရှတိုက်ရှိ
အိန္ဒိယ၊ သီရိလင်္ကာ၊ မြန်မာ၊ ထိုင်း၊ မလေးရှား၊ မကာအို
 စသည့်နိုင်ငံများသို့ ပင်လယ်ရေကြောင်း စွန့်စားသွားလာသူ
 ပေါ်တူဂီတို့နှင့်အတူ ရောက်လာခြင်း
 ဖြစ်သည်။ ၁၅၀၅ ခုနှစ်က ဟံသာဝတီ(ပဲခူး)ရောက်
အီတလီကုန်သည် တဦးက ဟံသာဝတီ ဘုရင်ထံတွင်
 ပေါ်တူဂီစစ်သား ၁၀ဝ၀ ခန့် လစာ ရိက္ခာနှင့် အမှုထမ်း
 နေကြောင်း မှတ်တမ်း တင်ခဲ့ဖူးသည်။ တချိန်တည်းမှာပင်
ကက်သလစ် ခရစ်ယာန် ဘာသာဝင် ပေါ်တူဂီတို့
 သံလွင်မြစ်ဝှမ်းရှိ မုတ္တမ(Mataban)၊ ဧရာဝတီ
 မြစ်ဝကျွန်းပေါ်ရှိ ပုသိမ် (Cosmin) နှင့် ရခိုင်ပြည်နယ်
 မြောက်ဦး စသည့် ခေတ်ပြိုင် မြို့ပြနိုင်ငံများတွင် ဝင်ထွက်ကာ
ကူးသန်းရောင်းဝယ်ရင်း အမှုထမ်း အခြေချနေထိုင် ခဲ့ကြ၏။
ဘုရင့်နောင် မင်းတြားကြီးလက်ထက် ဟံသာဝတီ၊ အင်းဝ၊
မိုးညှင်း၊ မဏိပူရ၊ မုတ္တမ၊ ရှမ်းကုန်းမြင့်၊ ဇင်းမယ်(ချင်းမိုင်)၊
အယုဒ္ဓယ၊ လင်းဇင်း စသည့် မြို့ပြ နိုင်ငံများကို တိုက်ခိုက်သိမ်း
 ပိုက်ကာ ဟံသာဝတီ အင်ပါယာ ထူထောင်ရာ၌ ပေါ်တူဂီတို့သည် အရေးပါသည့် ကြေးစားစစ်သားများ ဖြစ်လာကြသည်။
၁၆၀၀ ပြည့်နှစ် ပေါ်တူဂီလူမျိုးဖိလစ် ဒီဗရစ်တို(ငဇင်္ကာ)
သံလျင်ကိုအုပ်ချုပ်ခွင့်ရသည့်အခါ ပေါ်တူဂီ 
အမြောက်အများ သံလျင်တွင်အခြေချခဲ့ သည်။
သံလျင်ကျဆုံးပြီးနောက်အနောက်ဘက်
လွန်မင်းက ကက်သလစ်ဘာသာဝင် ပေါ်တူဂီများကို 
အင်းဝသို့ဖမ်းဆီးခေါ်ဆောင်သွား ခဲ့ပြီး နောက်ပိုင်းတွင်
 ချင်းတွင်းမြစ်နှင့် မူးမြစ်ကြားသို့ ပို့ဆောင်၍ 
ဗရင်ဂျီရွာကြီးများအဖြစ်တည်ထောင်ပြီးခရစ်ယာန်ဘာသာကို
 လွတ် လပ်စွာကိုးကွယ်စေခဲ့သည်။ထို့ကြောင့် ယနေ့တိုင်
 ချမ်းသာ၊ ချောင်းရိုး၊ မုံလှ၊ ချောင်းဦး၊ နဘက်၊ မေဂွန် စသည့်
ကက်သလစ် ခရစ်ယာန် ရွာကြီးများကို တွေ့နိုင် သည်။
 နောက်ပိုင်းတွင် ဘုန်းတော်ကြီး ပေါလ်အန်ဗီရိုစ်
 ဘီဂန်းဒက် ကဲ့သို့သော သာသနာပြု ဆရာတော်များကြောင့်
 ကက်သလစ်ခရစ်ယန်ဘာသာသည်
 မြန်မာနိုင်ငံတ၀န်းပျံ့နှံ့ခဲ့သည်။
Posted by at

No comments:

Post a Comment

Subscribe to: Post Comments (Atom)