ဗျာဒိတ်ကျမ်း အခန်းကြီး ၂၂ ၂၀-၂၁ ငါသည် အလျင်အမြန်လာမည် မှန်ပေ၏ ဟု၊ ဤအရာများကို သက်သေခံသောသူ မိန့်တော်မူ၏။ အာမင်။ သခင်ယေရှုကြွလာတော်မူပါ၊ ငါတို့သခင် ယေရှုခရစ်၏ကျေးဇူးတော်သည် သန့်ရှင်းသူ အပေါင်းတို့၌ ရှိစေသတည်း။ ၁ တဖန်၊ ကျောက်သလင်းကဲ့သို့ ကြည်လင်၍၊ ဘုရားသခင်နှင့် သိုးသငယ်၏ပလ္လင်တော်ထဲက ထွက်သော၊ အသက်ရေစီးရာမြစ်ကို ကောင်းကင်တမန်သည် ငါ့အားပြလေ၏။ ၂ မြို့လမ်းမအလယ်၌၎င်း၊ ထိုမြစ်နှစ်ဘက်၌၎င်း၊ အသက်ပင်ရှိ၏။ ထိုအသက်ပင်သည် အသီးတဆယ်နှစ်မျိုးကို သီးတတ်၏။ မိမိအသီး ကိုလည်း လတိုင်းပေးတတ်၏။ အရွက်သည်လည်း လူအမျိုးမျိုးတို့၏ အနာရောဂါ ငြိမ်းစရာဘို့ဖြစ်၏။ ၃ နောက်တဖန်ကျိန်ခြင်းဘေး တစုံတခုမျှမရှိ၊ ထိုမြို့၌ ဘုရားသခင်နှင့် သိုးသငယ်၏ပလ္လင်တော် ရှိ၍၊ ဘုရားသခင်၏ကျွန်တို့သည် ဘုရားဝတ်ကို ပြုကြလိမ့်မည်။ ၄ မျက်နှာတော်ကိုမြင်ရ၍၊ သူတို့နဖူး၌လည်း နာမ တော်ရေးထားလျက်ရှိလိမ့်မည်။ ၅ ထိုမြို့၌ ညဥ့်မရှိရ၊ ဆီမီးကိုအလိုမရှိ။ နေ၏အရောင်ကိုလည်း အလိုမရှိ။ အကြောင်း မူကား၊ ထာဝရအရှင်ဘုရားသခင်သည် သူတို့၌ရောင်ခြည်တော်ကို လွှတ်တော်မူ၍ သူတို့သည် ကမ္ဘာအဆက်ဆက် စိုးစံရကြလတံ့။ ၆ ကောင်းကင်တမန်ကလည်း၊ ဤစကားသည် သစ္စာစကား၊ ဟုတ်မှန်သောစကားဖြစ်၏။ ပရောဖက် တို့၏ ဝိညာဉ်ကို အစိုးရသော ထာဝရအရှင်ဘုရားသခင်သည် ကာလမကြာမမြင့်မှီ ဖြစ်ရမည်အမှုအရာများ ကို မိမိကျွန်တို့အား ပြစေခြင်းငှါ၊ ကောင်းကင်တမန်တော်ကို စေလွှတ်တော်မူပြီ။ ၇ ငါသည် အလျင်အမြန်လာ မည်၊ ဤစာစောင်၏ အနာဂတ္တိစကားကို စောင့်ရှောက်သောသူသည် မင်္ဂလာရှိ၏ဟုပြောဆို၏။ ၈ ငါယောဟန်သည် ဤအရာများကို ကြားမြင်၏။ ကြားမြင်ပြီးလျှင်၊ ထိုအရာများကိုပြသော ကောင်းကင် တမန်၏ ခြေရင်း၌ ကိုးကွယ်အံ့သောငှါ ပြပ်ဝပ်၏။ ၉ သူကလည်း၊ မပြုပါနှင့်။ ငါကား၊ သင်၏လုပ်ဘော် ဆောင်ဘက်ဖြစ်၏။ သင်၏အစ်ကိုပရောဖက်တို့နှင့် ဤစာစောင် ၏စကားကို စောင့်ရှောက်သောသူတို့၏ လုပ်ဘော်ဆောင်ဘက်လည်းဖြစ်၏။ ဘုရားသခင်ကို ကိုးကွယ်လော့ဟု ပြောဆို၏။ ၁၀ တဖန်တုံ၊ ငါ့အား မိန့်တော်မူသည်ကား၊ ဤစာစောင်၏ အနာဂတ္တိစကားကို တံဆိပ်မခတ်နှင့်။ အကြောင်းမူကား၊ ကာလအချိန်ရောက်လုနီးပြီ။ ၁၁ မတရားသောသူသည် မတရားသဖြင့်ပြုစေဦး။ ညစ်ညူး သောသူသည် ညစ်ညူးစေဦး။ ဖြောင့်မတ်သောသူသည် ဖြောင့်မတ်စေဦး။ သန့်ရှင်းသောသူသည် သန့်ရှင်းစေဦး။ ၁၂ ငါသည် အလျင်အမြန်လာမည်။ ငါသည် အကျိုးအပြစ်ကိုဆောင်ခဲ့သည်ဖြစ်၍၊ လူအသီးသီး တို့အား မိမိတို့အကျင့်အတိုင်း ဆပ်ပေးမည်။ ၁၃ ငါသည် အာလဖဖြစ်၏။ သြမေဃလည်းဖြစ်၏။ အဦးဆုံးသော သူ၊ နောက်ဆုံးသောသူဖြစ်၏။ အစနှင့်အဆုံးလည်းဖြစ်၏။ ၁၄ အသက်ပင်နှင့်ဆိုင်၍၊ မြို့တံခါးအတွင်းသို့ ဝင်အံ့သောငှါ ပညတ်တော်တို့ကို ကျင့်သောသူတို့သည် မင်္ဂလာရှိကြ၏။ ၁၅ ပြင်၌ကား၊ ခွေးဖြစ်သောသူ၊ ပြုစားတတ်သောသူ၊ မတရားသောမေထုန်၌ မှီဝဲသောသူ၊ လူအသက်ကိုသတ်သောသူ၊ ရုပ်တုကိုကိုးကွယ် သောသူ၊ သစ္စာပျက်ခြင်းကို နှစ်သက်၍ပြုသောသူ အပေါင်းတို့သည် ရှိကြ၏။ ၁၆ ငါယေရှုသည်၊ အသင်း တော်တို့အဘို့ ဤအရာများကို သင်တို့အား သက်သေခံစေ ခြင်းငှါ၊ ငါ၏ကောင်းကင်တမန်ကို စေလွှတ်၏။ ငါသည်ကား၊ ဒါဝိဒ်၏အမြစ်ဖြစ်၏။ အနွှယ်လည်းဖြစ်၏။ ထွန်းတောက် သောမိုဃ်းသောက်ကြယ်လည်းဖြစ်၏။ ၁၇ိဝိညာဉ်တော်နှင့် မင်္ဂလာဆောင်သတို့သမီးက၊ လာခဲ့ပါဟုဆိုကြ၏။ ကြားသောသူကလည်း လာခဲ့ပါဟု ဆိုပါစေ၊ ရေငတ်သောသူသည် လာပါစေ။ အလိုရှိသောသူသည် အဘိုးကိုမပေး ဘဲ အသက်ရေကိုယူပါစေ။ ၁၈ ဤစာစောင်၏ အနာဂတ္တိစကားကို ကြားသောသူအပေါင်းတို့အား ငါသက်သေခံသည်ကား၊ အကြင်သူ သည် ဤအရာတို့၌ ထပ်၍အသစ်သွင်း၏၊ ဤစာစောင်၌ ရေးထားသောဘေးဒဏ်တို့ကို ထိုသူအပေါ်သို့ ဘုရားသခင်သက်ရောက်စေတော်မူမည်။ ၁၉ အကြင်သူသည် ဤစာစောင်၏ အနာဂတ္တိစကား အချို့ကို နှုတ်ပယ်၏။ ဤစာစောင်၌ရေးထားသော အသက်ပင်နှင့်၎င်း၊ သန့်ရှင်းသောမြို့တော်နှင့်၎င်း၊ ထိုသူစပ်ဆိုင်သောအခွင့်ကို ဘုရားသခင် နှုတ်ပယ်တော်မူမည်။ !

December 18, 2013

ဗက်လင်လမ်း(ဆရာမင်းလွင်)

“ …ငါတို့သည် ဗက်လင်မြို့သို့ သွားကြကုန်အံ့။ ထာဝရဘုရားသည် ဖော်ပြတော်မူသော ဤအမှုအရာကို ကြည့်ကြကုန်အံ့…” ( ရှင်လုကာခရစ်ဝင်ကျမ်း ၂း၁၅ ) 
 သခင်ယေရှုသည် သူငယ်တော်အဖြစ် လောကသက်တော်စဉ် အစပြုခဲ့ချိန် တွင် လာရောက်ဖူးမြော်သော အုပ်စု နှစ်စုရှိသည်။ ပထမအုပ်စုမှာ သူငယ် တော်မွေးဖွားခါစ ဗက်လင်မြို့နွားတင်းကုပ်ထဲရှိနေစဉ်တွင် လာရောက်ကြ သော သိုးထိန်းအုပ်စုဖြစ်ပြီး ဒုတိယမှာ သူငယ်တော်မွေးဖွား၍ ကာလအတန် ကြာပြီးမှ ဗက်လင်မြို့သူတို့နေရာ နေအိမ်၌ လာရောက်ကြသော အရှေ့ပြည်မှ မာဂုပညာရှိအုပ်စုဖြစ်သည်။ ထိုအုပ်စုနှစ်စုကြား၌ ခြားနားမှုများစွာ ရှိသည်။ ပထမအုပ်စုမှာ အောက်ခြေ သိမ်းအလုပ်မျိုးဖြစ်သော သိုးထိန်းအလုပ်ကို လုပ်ပြီး တစ်နေ့လုပ်တစ်နေ့စား ဆင်းရဲသား ၊ သိုးထိန်းအဌားများသာ ဖြစ်သည်။ ဒုတိယအုပ်စုသည် ထိုခေတ် ၌ပင် ကြယ်များရေတွက်၍ နက္ခတ်များ၏ ထူးခြားမှုကို အကဲခတ် နားလည် နိုင်စွမ်း ရှိသူများဖြစ်သည်။ သူတို့၏ ပညာအပြင် ယူဆောင်လာသော လက်ဆောင်များကို ကြည့်ခြင်းဖြင့် သူတို့သည် ချမ်းသာသော အသိုင်းအ၀ိုင်း ထဲမှ လာသူများလည်းဖြစ်ကြောင်း သိနိုင်သည်။
 တစ်နေ့လုံးအလုပ်လုပ်၍ ည၌ နှစ်ခြိုက်တတ်သော သိုးထိန်းများကိုမူ ကောင်းကင်တမန်များက လန့်နိုးစေပြီး သူငယ်တော် အကြောင်းအရာကို အသေးစိတ် ပြောပြရသည်။ သခင်ယေရှုသာ နွားစားခွက်ထဲ မသိပ်ထားခဲ့ ပါက သိုးထိန်းများတွေ့နိုင်မည်မဟုတ်။ အကြောင်းမှာ နိုင်ငံတော် ဧည့်စာရင်း ယူ၍ ဗက်လင်မြို့ တည်းခိုခန်းတိုင်း၌ လူပြည့်နေချိန်ဖြစ်ပြီး အခြားမွေးကင်းစ ကလေးများစွာ ရှိနိုင်ပေသည်။ 
သို့သော် နွားစားခွက်၌ သိပ်သော ကလေးမှာမူ အခြားမရှိနိုင်။ မာဂုပညာရှိများမှာမူ ထူးဆန်းသော ကြယ်တစ်လုံး ပေါ်ထွန်းချိန်၊ ထိုကြယ်၏ အနေအထား၊ ထိုကြယ်ညွန် ရာလမ်းနှင့် ကျမ်းပြုဆရာများ၏ ပရောဖက်ကျမ်း ကိုးကားမှုများစသည်ကို အချက်အလက်ယူ၍ ဗက်လင်လမ်း ပေါ်အရောက် လှမ်းနိုင်ခဲ့သည်။ ထိုအုပ်စုနှစ်စု တူညီသည့်အချက်မှာ နိစ္စအမြဲတည်သော အသက်ကို ပေးစွမ်းသူယေရှုကိုဖူးမြော်ရပြီး ၀မ်းမြောက်၍ မဆုံး ဖြစ်နေကြခြင်းပင်။ 
ဗက်လင်လမ်းပေါ် ထိုအုပ်စုနှစ်စုကို ရောက်စေသော နည်းလမ်း များသည် လည်း ဘုရားသခင်၏ အသုံးတော်ခံနည်းလမ်းများပင်။ ဘုရားသခင်သည် ယေရှုထံလူများ ရောက်စေနိုင်ရန် မတူညီသော နည်းလမ်းများစွာ အသုံးပြု ပါသည်။ ချမ်းသာသူ၊ ဆင်းရဲသူ၊ ပညာရှိသူ၊ ပညာမဲ့သူ၊ လူသတ်မှတ်သော အထက်တန်းစား၊ အလယ်အလတ် တန်းစား၊ အောက်တန်းစား၊ အနွယ် ပေါင်းစုံ၊ အလွှာပေါင်းစုံမှ လူများအတွက် ကိုယ်စီကိုယ်စီ လက်လှမ်းမှီကြရာ လမ်းပြင်ဆင်ပေးတော်မူသည်။ 
 မည်သည့်နည်းလမ်းပင်ဖြစ်စေ၊ ထိုနည်းလမ်း မည်သည့်နေရာ၊ အချိန်တွင် ပွင့်သည်ဖြစ်စေ အရေးကြီးသည်မှာ ယေရှုထံရောက်ဖို့ရန်ဖြစ်သည်။ သင်သည်လည်း ဘုရားသခင်၏ အသုံးတော်ခံများအားဖြင့် သခင်ယေရှု ထံအရောက်သွားဖို့ရန် ဘုရားသခင်ပြင်ဆင်လာသော နည်းလမ်းကို လက်လွှတ်မခံဘဲ ၊ လျစ်လျူမရှုဘဲ အသုံးချကာ ခြေလှမ်းစလှမ်းနိုင်ပါစေ။
Posted by at

No comments:

Post a Comment

Subscribe to: Post Comments (Atom)