ဗျာဒိတ်ကျမ်း အခန်းကြီး ၂၂ ၂၀-၂၁ ငါသည် အလျင်အမြန်လာမည် မှန်ပေ၏ ဟု၊ ဤအရာများကို သက်သေခံသောသူ မိန့်တော်မူ၏။ အာမင်။ သခင်ယေရှုကြွလာတော်မူပါ၊ ငါတို့သခင် ယေရှုခရစ်၏ကျေးဇူးတော်သည် သန့်ရှင်းသူ အပေါင်းတို့၌ ရှိစေသတည်း။ ၁ တဖန်၊ ကျောက်သလင်းကဲ့သို့ ကြည်လင်၍၊ ဘုရားသခင်နှင့် သိုးသငယ်၏ပလ္လင်တော်ထဲက ထွက်သော၊ အသက်ရေစီးရာမြစ်ကို ကောင်းကင်တမန်သည် ငါ့အားပြလေ၏။ ၂ မြို့လမ်းမအလယ်၌၎င်း၊ ထိုမြစ်နှစ်ဘက်၌၎င်း၊ အသက်ပင်ရှိ၏။ ထိုအသက်ပင်သည် အသီးတဆယ်နှစ်မျိုးကို သီးတတ်၏။ မိမိအသီး ကိုလည်း လတိုင်းပေးတတ်၏။ အရွက်သည်လည်း လူအမျိုးမျိုးတို့၏ အနာရောဂါ ငြိမ်းစရာဘို့ဖြစ်၏။ ၃ နောက်တဖန်ကျိန်ခြင်းဘေး တစုံတခုမျှမရှိ၊ ထိုမြို့၌ ဘုရားသခင်နှင့် သိုးသငယ်၏ပလ္လင်တော် ရှိ၍၊ ဘုရားသခင်၏ကျွန်တို့သည် ဘုရားဝတ်ကို ပြုကြလိမ့်မည်။ ၄ မျက်နှာတော်ကိုမြင်ရ၍၊ သူတို့နဖူး၌လည်း နာမ တော်ရေးထားလျက်ရှိလိမ့်မည်။ ၅ ထိုမြို့၌ ညဥ့်မရှိရ၊ ဆီမီးကိုအလိုမရှိ။ နေ၏အရောင်ကိုလည်း အလိုမရှိ။ အကြောင်း မူကား၊ ထာဝရအရှင်ဘုရားသခင်သည် သူတို့၌ရောင်ခြည်တော်ကို လွှတ်တော်မူ၍ သူတို့သည် ကမ္ဘာအဆက်ဆက် စိုးစံရကြလတံ့။ ၆ ကောင်းကင်တမန်ကလည်း၊ ဤစကားသည် သစ္စာစကား၊ ဟုတ်မှန်သောစကားဖြစ်၏။ ပရောဖက် တို့၏ ဝိညာဉ်ကို အစိုးရသော ထာဝရအရှင်ဘုရားသခင်သည် ကာလမကြာမမြင့်မှီ ဖြစ်ရမည်အမှုအရာများ ကို မိမိကျွန်တို့အား ပြစေခြင်းငှါ၊ ကောင်းကင်တမန်တော်ကို စေလွှတ်တော်မူပြီ။ ၇ ငါသည် အလျင်အမြန်လာ မည်၊ ဤစာစောင်၏ အနာဂတ္တိစကားကို စောင့်ရှောက်သောသူသည် မင်္ဂလာရှိ၏ဟုပြောဆို၏။ ၈ ငါယောဟန်သည် ဤအရာများကို ကြားမြင်၏။ ကြားမြင်ပြီးလျှင်၊ ထိုအရာများကိုပြသော ကောင်းကင် တမန်၏ ခြေရင်း၌ ကိုးကွယ်အံ့သောငှါ ပြပ်ဝပ်၏။ ၉ သူကလည်း၊ မပြုပါနှင့်။ ငါကား၊ သင်၏လုပ်ဘော် ဆောင်ဘက်ဖြစ်၏။ သင်၏အစ်ကိုပရောဖက်တို့နှင့် ဤစာစောင် ၏စကားကို စောင့်ရှောက်သောသူတို့၏ လုပ်ဘော်ဆောင်ဘက်လည်းဖြစ်၏။ ဘုရားသခင်ကို ကိုးကွယ်လော့ဟု ပြောဆို၏။ ၁၀ တဖန်တုံ၊ ငါ့အား မိန့်တော်မူသည်ကား၊ ဤစာစောင်၏ အနာဂတ္တိစကားကို တံဆိပ်မခတ်နှင့်။ အကြောင်းမူကား၊ ကာလအချိန်ရောက်လုနီးပြီ။ ၁၁ မတရားသောသူသည် မတရားသဖြင့်ပြုစေဦး။ ညစ်ညူး သောသူသည် ညစ်ညူးစေဦး။ ဖြောင့်မတ်သောသူသည် ဖြောင့်မတ်စေဦး။ သန့်ရှင်းသောသူသည် သန့်ရှင်းစေဦး။ ၁၂ ငါသည် အလျင်အမြန်လာမည်။ ငါသည် အကျိုးအပြစ်ကိုဆောင်ခဲ့သည်ဖြစ်၍၊ လူအသီးသီး တို့အား မိမိတို့အကျင့်အတိုင်း ဆပ်ပေးမည်။ ၁၃ ငါသည် အာလဖဖြစ်၏။ သြမေဃလည်းဖြစ်၏။ အဦးဆုံးသော သူ၊ နောက်ဆုံးသောသူဖြစ်၏။ အစနှင့်အဆုံးလည်းဖြစ်၏။ ၁၄ အသက်ပင်နှင့်ဆိုင်၍၊ မြို့တံခါးအတွင်းသို့ ဝင်အံ့သောငှါ ပညတ်တော်တို့ကို ကျင့်သောသူတို့သည် မင်္ဂလာရှိကြ၏။ ၁၅ ပြင်၌ကား၊ ခွေးဖြစ်သောသူ၊ ပြုစားတတ်သောသူ၊ မတရားသောမေထုန်၌ မှီဝဲသောသူ၊ လူအသက်ကိုသတ်သောသူ၊ ရုပ်တုကိုကိုးကွယ် သောသူ၊ သစ္စာပျက်ခြင်းကို နှစ်သက်၍ပြုသောသူ အပေါင်းတို့သည် ရှိကြ၏။ ၁၆ ငါယေရှုသည်၊ အသင်း တော်တို့အဘို့ ဤအရာများကို သင်တို့အား သက်သေခံစေ ခြင်းငှါ၊ ငါ၏ကောင်းကင်တမန်ကို စေလွှတ်၏။ ငါသည်ကား၊ ဒါဝိဒ်၏အမြစ်ဖြစ်၏။ အနွှယ်လည်းဖြစ်၏။ ထွန်းတောက် သောမိုဃ်းသောက်ကြယ်လည်းဖြစ်၏။ ၁၇ိဝိညာဉ်တော်နှင့် မင်္ဂလာဆောင်သတို့သမီးက၊ လာခဲ့ပါဟုဆိုကြ၏။ ကြားသောသူကလည်း လာခဲ့ပါဟု ဆိုပါစေ၊ ရေငတ်သောသူသည် လာပါစေ။ အလိုရှိသောသူသည် အဘိုးကိုမပေး ဘဲ အသက်ရေကိုယူပါစေ။ ၁၈ ဤစာစောင်၏ အနာဂတ္တိစကားကို ကြားသောသူအပေါင်းတို့အား ငါသက်သေခံသည်ကား၊ အကြင်သူ သည် ဤအရာတို့၌ ထပ်၍အသစ်သွင်း၏၊ ဤစာစောင်၌ ရေးထားသောဘေးဒဏ်တို့ကို ထိုသူအပေါ်သို့ ဘုရားသခင်သက်ရောက်စေတော်မူမည်။ ၁၉ အကြင်သူသည် ဤစာစောင်၏ အနာဂတ္တိစကား အချို့ကို နှုတ်ပယ်၏။ ဤစာစောင်၌ရေးထားသော အသက်ပင်နှင့်၎င်း၊ သန့်ရှင်းသောမြို့တော်နှင့်၎င်း၊ ထိုသူစပ်ဆိုင်သောအခွင့်ကို ဘုရားသခင် နှုတ်ပယ်တော်မူမည်။ !

November 18, 2013

ပြန်လည်ကြိုဆိုခြင်း

ကိုယ်တော်သည် အပြစ်ကို ဖြေတတ် သောဘုရား၊ ချစ်သနားခြင်းမေတ္တာ ကရုဏာနှင့်ပြည့်စုံ၍ စိတ်ရှည်ခြင်း၊ ကျေးဇူးပြုခြင်းနှင့် ကြွယ်ဝသော ဘုရား ဖြစ်တော်မူသောကြောင့် သူ တို့ကို စွန့်ပစ်တော်မမူ။(နေဟမိ ၉း၁၇)။ အသက် ၁၀နှစ်အရွယ်တွင် ဂျင်းမ်က ခရစ်တော်နောက်လိုက်ရန် ဆုံးဖြတ်ခဲ့သည်။ ဆယ့်ငါးနှစ်ကြာပြီးနောက် သူ့ဝန်ခံချက်မှေးမိန် သွားသည်။ လက်ရှိအချိန်အတွက်သာ အသက် ရှင်ပါ ဆိုသော ဒဿနအတွေးကိုခံယူပြီး အကျင့်ဆိုးများနှင့် ကျင်လည်သည်။ သို့နှင့် သူ့ ဘဝ ပျက်စီးတော့သည်။ အလုပ်တွင်လည်း ပြဿနာတက်၊ မိသားစုဝင်သုံးဦးလည်း ရှေ့ဆင့် နောက်ဆင့် ဆုံးသွားသည်။ ကြောက်ရွံ့စိုးရိမ်မှု နှင့်သံသယများက သူ့ကို ချုပ်ကိုင်လွှမ်းမိုးလာပြီး ကူရာမဲ့ကယ်ရာမဲ့ ဖြစ်လာသည်။ တစ်နေ့တွင် ဆာ ၁၂၁း၂ ကို ဖတ်မိသည်။ “ကောင်းကင်နှင့် မြေကြီးကို ဖန်ဆင်းတော်မူသော ထာဝရဘုရား ထံတော်မှ ငါ့ကို မစခြင်းအကြောင်းသည် ပေါ်ထွက်ရ၏။” ဤနှုတ်ကပတ်တော်က သူ့ နှလုံးသားမှ ကြောက်ရွံ့စိုးရိမ်မှုနှင့် ရှုပ်ထွေးမှုများကို ဖယ်ရှားပစ်သည်။ သူသည် ဘုရား ထံမှ မစမှုကို ပြန်၍တောင်းခံသည်။ ဘုရားသခင်ကလည်း သူ့ကိုလက်ခံကြိုဆိုပါသည်။ ဂျင်းမ်၏ ဝိညာဉ်ရေးလမ်းခရီးက ရှေးဟောင်းဣသရေလသမိုင်းကြောင်းကို သတိရစေပါသည်။ ဣသရေလတို့သည် ဘုရားသခင်နှင့် တစ်မူထူးသည့် ဆက်ဆံရေးရှိ သည်။ သူတို့သည် ရွေးချယ်ခံရသော လူမျိုးတော်ဖြစ်သည် (နေ ၉း၁-၁၅)။ သို့သော် လည်း သူတို့သည် နှစ်ပေါင်းများစွာ ဘုရား၏ကောင်းမြတ်ခြင်းကို ပုန်ကန်ပြီး ဂရုမစိုက်ဘဲ နေကြသည်။ သူတို့အလိုအတိုင်း အသက်ရှင်ခဲ့သည် (း၁၆-၂၁)။ သို့သော် သူတို့က ဘုရားသခင်ထံပြန်လာပြီး နောင်တရသောအခါ ကိုယ်တော်က “အပြစ်ကို ဖြေတတ်သော ဘုရား၊ ချစ်သနားခြင်းမေတ္တာကရုဏာနှင့်ပြည့်စုံ၍ စိတ်ရှည်ခြင်း၊ ကျေးဇူးပြုခြင်းနှင့်ကြွယ်ဝ သောဘုရားဖြစ်တော်မူသောကြောင့် သူတို့ကို စွန့်ပစ်တော်မမူ” (း၁၇)။ ကိုယ်တော်နှင့်ဝေးနေသည့်တိုင် ဘုရားသခင်၏ဂုဏ်တော်များက ကျွန်ုပ်တို့ကို ကိုယ်တော်နှင့်နီးလာအောင် တွန်းအားပေးသည်။ နှိမ့်ချလျက် ပုန်ကန်သောသဘော များကို စွန့်ပြီး ဘုရားအလိုအတိုင်း ပြန်လည်၍ မိမိကိုယ်ကိုဆက်ကပ်ပါက ကိုယ်တော်သည် ကရုဏာတော်နှင့် ကျွန်ုပ်တို့ကိုပြန်လက်ခံပြီး သူနှင့်ပိုနီးစေလိမ့်မည်။ — Jennifer Benson Schuldt
Posted by at

No comments:

Post a Comment

Subscribe to: Post Comments (Atom)